Lijepom našom 1997.
FECC
Turistički autobus Grada Rijeke
Kravatom oko Hrvatske
Bonavia 23.5.08.
Skakačko prvenstvo
Otvorenje Centra Zamet
Zavičajna srijeda
Rukometna utakmica Zamet - Zagreb
 

Najdraža Rijeko - Zavičajna srijeda

 


Zavičajna srijeda

Va sklopu novega Centra Zamet Gradska knjižnica Reka je otprla ogranak Zamet. Mesto je to na kemu morete prit prolistat, pročitat i posudit kakovu dobru knjigu, ma morete i kulturno pasat svoje slobodno vreme. Jedana sreda na mesec je nazvana "Zavičajna", aš je rezervirana za teme od našega kraja, nekada i sada. Na prvoj va noven 2010. lete govorilo se od mesopusneh užanci. Na stranicah Gradske knjižnice Reka o njoj piše jušto ovako:

"Ćakula o mesopusneh užancah tekla je lahko kot vino z barilicah i brentah niz zvončarska grla, ma ov put vina ni bilo. A bili su:
Saša Čaušević Matešićev - Pinelić, autor knjigi Krimejski feštari ki je čuda tega znal nan povet o seh stareh i noveh užancah z našega kraja – od Krimeje do Rukavca, od Žejanskeh zvončari do Gromiških dondolaši.
Davor Grgurić z delničke Udruge Prepelin'c ki z autoron Lalošen pripravlja knjigu o deouniškeh navadah, med kemi su i mačkarane navade.
Željko Monjac va ime Zametskeh maškar i zvončari, o užancah va Zamete, od nekada i sada, o dece ka od mićeh redu va zvončari, o tombole s kun Zametske maškare i zvončari pune svoju blagajnu i celo leto munjesaju naokolo i o puno drugega.
Sa semi smo malo o sačeren. I zač se reče „pust“ i kako se računa to vreme, i ča su to partenjaki, kade zvončari, kade feštari, a kade samo maškare. I ča se sope i ča se ji i ča se stavja na se. I ča su to balte a ča bačuke. I ča j' to maj, a ča vražić. O oštarijah, o ženskeh, o marketingu, o letnjen karnevalu i o onen rečken... o semu pomalo. I poruke za kraj. I se to još i kaj.

    
A dva lepa Zametska zvončara, jedan (jako, jako) veli i drugi mići – strpljeno su čekali da fine se te ćakule, da store jedan svečani pohod po knjižnice, potiraju zadnji korisniki z nje (i nas skupa š njimi) i pozovu nas da ih dohajamo videt kade god va vreme maškar ih se more
nać. S tun magijun očišćenoga zraka kakova vavek ostane pokle zvončari finili smo ovu sredu... (GKR, 20.01.2010.)