Prostorija
Pravilnik o ponašanju
 

Obavijesti - Prostorija

Fešta za useljenje

 


Provajte nać razliku: ovo su prostorije potla seh "kozmetičkeh" zahvati va aprile 2011, a onda videjte kako je se zgledalo 6 meseci raneje.

    

    

Ovako je bilo prvo...

          

          

          

          

          

          

           

      

Jednu sobotu jutro je krenulo čišćenje: Diego, Andrej, Nakić, Černeka i Maja su nakrcali jednu veeeelu zelenu baju sen onen ča više nikemu ne služi, poznimali su gnjili brodski pod, tepison i parketi. A onda se Nakić dal na pravo delo: očistil je i pofugiral najduži zid, parićal ga za žbukanje, a na drugen zide je storil i kostur za knauf, a onda ga i "obukal" va knauf.

   

 

   

   

     

Ekipe se pridružil i Renato ki je očistil pod od ostanki kole za parketi ki su šli fuć, a i našećal se do baje za smete z materijalon. Vedran je pobrusil i ofriškal okviri od poneštar, a Maja je postrugala zidi va zahode i kancelarije. Za to vreme je Nakić zištemal tavelice va zahode, inpregniral taj zid, zdrical ga i parićal za daje. Va veloj prostorije je šinjor Ibro postavil sep (fala mu puno na pomoći!). Rabilo je još se poprtit na velu skalu i očistit neonke na plafone. 

      

      

Velu prostoriju rabi još samo dobro očistit i stavit čagod na pod pa se Nakić dal na uređivanju ulaznega hodnika. Postrugal je zidi, očistil "višestoljetnu" paučinu s kantuni i obukal zid va sep. Goran Grković i Dalibor Petrović su pobrusili i popiturali radijator i cijevi od centralnega grijanja. A i bojler je oživel jušto va našeh koloreh: žutoj, crvenoj i plavoj. Rabilo je još se i počistit, a za to se pobrinula Anči. I se je bilo za velu feštu 28. 12. 2010...