Ki smo?
Tko smo?
Wer sind wir?
40 let zvončari
Zametske maškare i zvončari - Darinko Jugo
 

O nama - Zametske maškare i zvončari - Darinko Jugo

 


Zametske maškare i zvončari - Darinko Jugo

Darinko Jugo

   Zametske maškare i zvončari
Kada pride h nan Antonja onda Pust nan je prišal.
Staro, mlado ponemeje,
Žamariću Pust se peje.
Čuda muškeh, jakeh fanti,
riva se i zvonci mlati.
Mačuka, koža, mornarska maja,
glava z rogi, zdurat je do kraja.
I sega pusta tako spravni
za okole poć smo parićani.
Maškare te tancat, se znemit,
a mi ćemo kolo delat i zvonit.
Pusni pundejak je naš veli dan,
si gremo od jutra van.
Jaja pobirat, seh zbudit,
juden veselje i užancu storit.
Bubanj lupa, armunika reže,
zvončarsko kolo se zateže.
Kapo riva si na kup,
zvonci se mora jako čut.
Ma do sredi ćemo zdurat,
si krepat ma ne molat.
Ako neki neće moć,
s nami sejeno mora poć.
Va Zamete bit će fešta, puno judi tu će prit
baš da vide kako ćemo tega gnjusa osudit.
Nijedan Pust ni bil pohvaljen, vavek je za se bil kriv,
saki će to z gušton gledat, dokle god bude živ.
I to smo mi, a judi, da ki!
Muzika, maškare i zametski zvončari!