Ki smo?
Tko smo?
Wer sind wir?
40 let zvončari
Zametske maškare i zvončari - Darinko Jugo
 

O nama - 40 let zvončari

 


40 let zvončari

 

Zametski su mladići davno odlučili
da zač ne bi i oni zvončari bili.
 
Kože su oprtili i zvonci vezali,
na Pusni pundejak po Zamete pasali.
 
Zime su pasevale, Pusti se palili,
mladići su odlučili da bi kot strašni Vikingi bili.
 
Mladići su veli judi postali,
svojmi sini zvonci vezali.
 
Sada se i vnukon zvonci vežuju,
vadi se korak i da svoj kraj štimaju.

 

2008. leta Zametski su zvončari proslavili 40 let postojanja. Va Dome je otprta izložba fotografij ke su prikupljane od 1968. leta, kada su se pojavili prvi zvončari, do oneh najnovejega datuma. A kada su se zvončari kalali po škalah med judi, hodnik Doma bil je pretesan...

Naša draga Snjeguljica storila je velu i slatku tortu.

Tortu su razrezali neki od najmlajeh zvončari, dok su ih oci i nonoti zvončari ponosno gledali...

Bili su tu i civilni gradonačelnik Grada Reke Vojko Obersnel i direktor Turističke zajednice Petar Škarpa.

Z lepemi se besedami sen okupjenen obratil maškarani gradonačelnik - Meštar Toni.

Kot i vavek, zasopla je Pusna muzika Zametskeh maškar i zvončari.

Hvala Foto Sluge na fotografijah.